‏بیلجیئم کی وزارتِ خارجہ نے دارالحکومت برسلز کے ایگمونٹ پیلس میں سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی کے ساتھ ایک تفصیلی مکالمے کی میزبانی کی۔

‏بیلجیئم کی وزارتِ خارجہ نے دارالحکومت برسلز کے ایگمونٹ پیلس میں سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی کے ساتھ ایک تفصیلی مکالمے کی میزبانی کی۔

‏مکالمے کا مرکزی عنوان ’’ایک بدلتی ہوئی دنیا میں مکالمے کی اہمیت‘‘ تھا۔ اس موقع پر متعدد وزارتی و پارلیمانی شخصیات، یورپی حکومتوں کے نمائندوں، اعلیٰ مذہبی قائدین، بین الاقوامی تنظیموں کے نمائندوں، جامعات اور سول سوسائٹی کے ماہرین نے شرکت کی۔

‏مکالمے اور اس کے ساتھ ہونے والی گفتگو میں عالمی سطح پر رونما ہونے والی تبدیلیوں اور ان کے تناظر میں متعدد ایسے موضوعات پر تبادلہ خیال کیا گیا جو رابطہ عالم اسلامی کے مشن اور اہداف کے مطابق اس کی ترجیحات سے متعلق ہیں۔

‏اسی سلسلے میں سیکرٹری جنرل رابطہ عالم اسلامی کی بیلجیم کے نائب وزیر اعظم، وزیر خارجہ، یورپی امور اور ترقیاتی تعاون، مسٹر ماکسیم بریفو سے بھی ملاقات ہوئی، جنہوں نے ایگمونٹ پیلسمیں بین الاقوامی مکالمے کے آغاز سے قبل، قصر کے ہال میں ڈاکٹر  العیسی  کا خیرمقدم کیا۔

‏اس موقع پر وزیر نے ڈاکٹر العیسی کو وزیراعظم کی جانب سے تحریری خیرمقدمی پیغام بھی پیش کیا، جو دورے کے دوران برسلز میں موجود نہیں تھے۔